Kvar går vegen?

Av og til kan ein lure på kvar vegen går vidare. Bildet er tydeleg, og viser retning rett mot nord. Det hadde vore godt om nokon kunne stått som eit skilt å vist ein tydeleg kva retning ein skal gå og kva valg ein skal ta i livet også. Etter eit tøft halvår, er det spennande å på nytt starte på kvardagen etter påskeferie. Heldigvis er der nokon som er med heile vegen...

Frykt ikkje, for eg er med deg, ver ikkje redd, for eg er din Gud! Eg gjer deg sterk og hjelper deg og held deg oppe med mi rettferds høgre hand.
                                                                                 Jesaja 41.10

Det er godt å vite, når ein kjenner frykta for det ukjente der framme. Han har lova å vere med heile vegen!

 
I dag har familien vore på ein tur på Fjellstova i Ålesund. Vi har gått alle dei 418 trappetrinna. Det er alltid kjekt å kome på toppen og nyte utsikta! Og så avslutte med Frappè og Milkshake som "premie"! 

Utsikt mot Ellingsøya

I går hadde vi også eit mål om å gå trappene opp mot Aksla. Men på grunn av stiv kuling, hagl og regn, tok vi i bruk Fjellvettregel nr 8 - "Vend i tide, det er ingen skam å snu" etter å ha gått ca 100 trappetrinn!

Trappetrinna opp mot Aksla frå byparken.